Epress.am Լուրեր Հայաստանից
Պաշտոնական Թբիլիսին ընդունում է, որ չի կարողացել արդյունքի հասնել Երևանի հետ` ՄԱԿ-ի Վեհաժողովին ներկայացված Վրաստանի բանաձևի շուրջ բանակցություններում: Միաժամանակ, Թբիլիսին նշում է, որ ՄԱԿ-ում Երևանի դիրքորոշումը չպիտի խոչընդոտի երկու պետությունների հարաբերություններին: Այս մասին հայտարարել է Վրաստանի Արտաքին գործերի փոխնախարար Նինո Կալանդաձեն:
«Բնական է, որ Հայաստանն իր սեփական շահերն ունի, որոնց հիման վրա էլ որոշումներ է կայացնում: Այս դեպքում նույնպես Հայաստանն իր շահերին համապատասխան է գործել: Վրացական բանաձևի վերաբերյալ Երևանի որոշումն ափսոսանք է առաջացնում, բայց սա չպետք է ճաք առաջացնի երկկողմ հարաբերություններում »,- հայտարարել է Կալանդաձեն:
Հիշեցնենք, որ ՄԱԿ-ի Գլխավոր վեհաժողովը նախօրեին քննարկել է «ՎՈՒԱՄ տարածքում ձգձգվող հակամարտությունները և դրանց հետևանքները համաշխարհային խաղաղության, անվտանգության և զարգացման վրա» օրակարգային հարցը և ընդունել «Աբխազիայից, Վրաստանից և Հարավային Օսիայից տեղահանված անձանց և փախստականների մասին» բանաձևը:
Բանաձևին կողմ է քվեարկել 50 երկիր, դեմ`17 երկիր, այդ թվում` Հայաստանն ու Ռուսաստանը:
Ապրիլ | 23 | 16:00