Epress.am Լուրեր Հայաստանից
Սեպտեմբերի 1-10-ը ՀՀ Ճանապարհային ոստիկանությունը խստացված ծառայություն էր իրականացնում դպրոցների և բուհերի մոտ:
Այսօր այդ ընթացքում ծագած խնդիրներին անդրադարձավ ՀՀ Ճանապարհային ոստիկանության պետ Մարգար Օհանյանը և նշեց, որ ոստիկանությանը, այունամենայնիվ, չհաջողվեց խուսափել միջադեպերից:
Ըստ Օհանյանի` սեպտեմբերի ընթացքում դպրոցականների հետ կապված երկու դեպք է գրանցվել:
Մեկը` Էջմիածին–Զվարթնոց ճանապարհին, երբ անցումով անցնելիս երեխաներին բարձր արագությամբ ընթացող մեքենա է հարվածել: Երեխաներից երկուսը վիրավորվել են, բայց, բարեբախտաբար, նրանց կյանքին այժմ վտանգ չի սպառնում:
Օհանյանը նշել է, որ դեպքը տեղի է ունեցել վարորդի մեղքով:
Երկրորդ պատահարը գրանցվել է Գյումրիում, երբ երկու մեքենաների բախման հետևանքով վիրավորվել է մեկ դպրոցական, որը մեքենաներից մեկի մեջ է եղել: