Home / Հայաստան / «Կիլիկիան» հրաժարվել է մասնակցել 2011թ. Հայաստանի առաջնությանը

«Կիլիկիան» հրաժարվել է մասնակցել 2011թ. Հայաստանի առաջնությանը

Հայաստանի ֆուտբոլի ֆեդերացիան որոշում է ընդունել բավարարել «Կիլիկիա» ֆուտբոլային ակումբի կողմից ՀՖՖ ներկայացված N03 24.01.2011թ. դիմումը` առ այն, որ «Կիլիկիա» ակումբի ֆինանսական ծանր վիճակը հանդիսանում է գլխավոր դրդապատճառ, որը թույլ չի տալիս ստեղծել մարտունակ թիմ և ակումբը հրաժարվում է ՀՀ բարձրագույն խմբի առաջիկա 2011թ. առաջնությանը մասնակցելուց:

Այսպիսով, 2011թ. Հայաստանի բարձրագույն խմբի առաջնությանը կմասնակցի ութ թիմ` «Փյունիկ», «Բանանց», «Ուլիս», «Միկա», «Իմպուլս», «Գանձասար», «Շիրակ» և «Արարատ»:

«Կիլիկիա» ակումբի հրաժարականի հետևանքով տեղի կունենան փոփոխություններ 2011թ. Հայաստանի Գավաթի խաղարկության խաղացանկում: Խաղացանկով նախատեսված նախնական փուլի «Շիրակ»-«Արարատ» հանդիպումը չի կայանա: Փոխարենը կանցկացվի վիճակահանություն «Շիրակ» և «Արարատ» ակումբների միջև, «Փյունիկ» և «Ուլիս» ակումբների մրցակիցներին ի հայտ բերելու նպատակով: