Epress.am Լուրեր Հայաստանից
Լիբիայիում սրվող հեղափոխական իրավիճակի կապակցությամբ ՌԴ պետդումայի փոխխոսնակ Վլադիմիր Ժիրինովսկին առաջարկել է Լիբիայի նախագահ Մուամար Քադաֆիին տեղափոխվել Մոսկվա:
Ժիրինովսկու խոսքով` «Լիբիայի առաջնորդը շատ բան է արել իր երկրի զարգացման համար, սակայն հիմա ժամանակն է զարգացման այլ ուղի ընտրելու համար»:
«Հասկացեք, փոփոխությունները անդառնալի են, և հիմա ամենակարևորը ամեն գնով երկրում բռնությունը դադարեցնելն է: Մտածե՛ք ձեր երկրի ապագայի մասին: Հրաժարվե՛ք ժողովրդի կամքը ճնշելու անպտուղ փորձերից»,-Լիբիայի առաջնորդին խորհուրդ է տալիս Ժիրինովսկին:
«Ես առաջարկում եմ Ձեզ տեղափոխվել Մոսկվա մշտական բնակության նպատակով, հրավիրում եմ անկեղծորեն որպես թանկագին հյուրի»,- ասվում է հաղորդագրության մեջ: