Epress.am Լուրեր Հայաստանից
Այսօր ՀՀ վարչական դատարանը հինգ դատավորների կազմով մերժել է Խաչատուր Սուքիասյանի հայցն ընդդեմ թիվ 10 ընտրատարածքային ընտրական հանձնաժողովի` վերջինիս որոշումն անվավեր ճանաչելու պահանջի մասին:
Խաչատուր Սուքիասյանը գտնում է, որ ՀՀ վարչական դատարանը օբյեկտիվ որոշում չի կայացրել և չի պաշտպանել իր ընտրական իրավունքը` չվերացնելով ընտրական իրավունքի խախտումները:
Խաչատուր Սուքիասյանի փաստաբանները ուսումնասիրում են Մարդու իրավունքների եվրոպական դատարան դիմելու հնարավորության հարցը:
Հիշեցնենք, որ Խաչատուր Սուքիասյանին չգրանցելու համար հիմք էր հանդիսացել ոստիկանության տեղեկանքը, համաձայն որի նա վերջին 5 տարվա ընթացքում մշտապես չի բնակվել Հայաստանում:
Խաչատուր Սուքիասյանը հայտարարել էր, որ իրեն չգրանցելու հիմքեր չկան:
Նշված ընտրատարածքում իր թեկնածությունն առաջադրել է Խաչատուր Սուքիասյանի եղբայրը` Սարիբեկ Սուքիասյանը: