Հայաստանը բարձրացավ ՖԻՖԱ-ի աղյուսակում

Հայաստանի ֆուտբոլի ազգային հավաքականն այսօր հրապարակված սեպտեմբեր ամսվա ՖԻՖԱ-ի դասակարգման աղյուսակում 575 միավորով զբաղեցնում է 53-րդ հորիզոնականը: Նախորդ ամսվա համեմատ մեր թիմը բարձրացել է 3 տեղով, չնայած օգոստոսի 15-ին պարտվել է Բելառուսի հավաքականին ընկերական խաղում:

Մեր հարևանությամբ գտնվող թիմերը նահանջ են ապրել՝ 54-րդ տեղում Իրանն է, որը նախորդ ամսվա հետ համեմատ հետ է գնացել 6 տեղով, 55-րդ տեղում Էստոնիան է, որը նույնպես նահանջել է 6 տեղով, 56-րդ հորիզոնականն է զբաղեցնում Լեհաստանը՝ նահանջ 2 տեղով:

Աղյուսակի առաջին հորիզոնականում է Իսպանիան՝ 1617 միավորով, երկրորդը Գերմանիան է՝ 1437 միավորով, երրորդ հորիզոնականում է Անգլիայի ընտրանին՝ 1274 միավորով:

ՖԻՖԱ-ի դասակարգման աղյուսակը` սեպտեմբերի 5-ի դրությամբ.

1. Իսպանիա — 1617 (միավոր)

2. Գերմանիա — 1437

3. Անգլիա — 1274

4. Պորտուգալիա — 1232

5. Ուրուգվայ — 1217

6. Իտալիա — 1174

7. Արգենտինա — 1121

8. Հոլանդիա – 1044

9. Խորվաթիա – 1020

10. Դանիա – 1006

…

19. Չեխիա – 869

89. Բուլղարիա – 388

139. Մալթա – 206

Սևով նշված են գալիք ընտրական փուլում Հայաստանի հավաքականի մրցակիցները: