Home / Հայաստան / Վրաստանի խորհրդարանի շենքում ռումբ են փնտրում. մարդկանց տարհանել են

Վրաստանի խորհրդարանի շենքում ռումբ են փնտրում. մարդկանց տարհանել են

Կուտաիսիում գտնվող Վրաստանի խորհրդարանի շենքից տարհանում են մարդկանց ներսում տեղադրված ռումբի մասին հայտարարությունից հետո, հայտնում է News Georgia-ն:

Վրաստանի ՆԳՆ մամուլի ծառայության ղեկավար Նինո Գիորգոբիանին հաստատել է տվյալ տեղեկությունը: Նրա խոսքով՝ ժամը 16.00-ի սահմաններում անհայտ անձը զանգահարել է և տեղեկացրել ռումբի մասին:

Պարբերականի աղբյուրը հաստատել է, որ ներկա պահին տեղի է ունենում պատգամավորների, խորհրդարանի աշխատակազմի և լրագրողների տարհանում:  

Օրենսդրական մարմնի ներկայացուցիչ Դավիդ Ուսուպաշվիլին քիչ առաջ հանդես է եկել հայտարարությամբ և տեղեկացրել, որ տարհանումը մի քանի րոպեից կավարտվի:

Նա նաև նշել է, որ խորհրդարանի շենքում ռումբի առկայությունը քիչ հավանական է: «Մասնագետների խոսքերով՝ շենքում ռումբի առկայության հավանականությունը մեծ չէ, սակայն անհրաժեշտ է ստուգել»,- ասել է Ուսուպաշվիլին:

Ըստ Ուսուպաշվիլիի՝ Վրաստանի խորհրդարանը աշխատանքը կշարունակի շաբաթ օրը: