Home / Հայաստան / Բենզինի գինը Հայասատանում՝ քաղաքական կամքի արդյունք է․ պատգամավոր

Բենզինի գինը Հայասատանում՝ քաղաքական կամքի արդյունք է․ պատգամավոր

Վառելիքի գնի հետ կապված վիճակը խայտառակ է, որովհետև ամբողջ աշխարհում վառելքի գինը իջնում է, նավթն ու գազը էժանանում են, իսկ Հայաստանում գները շարունակում են շատ բարձր մնալ։ Այսօր ԱԺ-ում Կառավարության հետ հարց ու պատասխանի ժամանակ այս մասին ասել է ՀԱԿ պատգամավոր Լևոն Զուրաբյանը։

«Օրինակ, Հայաստանում բենզինի գինը վերջին տարվա մեջ ընկել է ընդհամենը11 տոկոսով, մինչդեռ Ռուսաստանում 33 տոկոսով, Չեխիայում՝ 20, Գերմանիայում և Ֆրանսիայում՝ 18, Իտալիայում 26 տոկոսով, Ռումինիայում 23 տոկոսով, Կանադայում 28 տոկոսով, Ճապոնիայում 27 տոկոսով, Ինդոնեզիայում 30 տոկոսով և Թուրքիայում՝ 40 տոկոսով։

Նույնը կարելի է ասել նաև գազի գնի մասին։ Չնայած աշխարհում գազի գնի նվազմանը՝ մենք «Գազպրոմին» հետ ստորագրել ենք մի պայմանագիր, որով նրան մոնոպոլիա ենք տվել և կորցրել ենք, օրինակ, Իրանի հետ բանակցելու կամ նրանից գազ գնելու ազատությունը։ Այդ դիտավորյալ ստեղծված մոնոպոլիայի արդյունքում Հայաստանի տնտեսությունը խեղդվել է»,- ասել է Զուրաբյանը։

Փոխվարչապետ Վաչե Գաբրիելյանը, պատասխանելով պատգամավորին, նշել է, որ Կառավարությունը խնդիրը շատ է կարևորում․ «Մենք դիմել ենք Ռուսաստանի իշխանություններին և սպասում ենք այդ խնդրի վերաբերյալ լուծումներին։ Իսկ ինչ վերաբերվում է մոնոպոլիային, կարող եմ ասել, որ «Գազպրոմի» հետ պայմանագրում չկան սահմանափակումներ մեկ այլ երկրից գազ ներկրելու մասին, և այս պահին մենք Իրանի հետ բանակցությունների մեջ ենք»։

Լևոն Զուրաբյանը, արձագանքելով Գաբրիելյանին, այնուամենայնիվ, պնդել է, որ ամբողջ խնդրի լուծումը մենաշնորhայնացման մեջ է․ «2007 թվականին Հայաստան բենզին ներկրող 21 սուբյեկտ է եղել, 2011 թվականին՝ 5 սուբյեկտ և 2016 թվականին գոյություն ունի միայն մեկ ներկրող սուբյեկտ։ Ակնհայտ է, որ ամբողջ խնդիրը մենաշնորhայնացումն է։ Մենք տեղեկություններ ունենք, որ բենզինի գինը Հայասատանում դրվում է քաղաքական կամքի արդյունքում և սպասարկում է այն մարդկանց, ովքեր գերշահույթներ են ստանում դրանից»։