ՀՀԿ առաջնորդ Սերժ Սարգսյանի նախընտրական քարոզարշավի հետաձգումը իրականում երկու պատճառ ունի, գրում է «Ժողովուրդ» օրաթերթը:
Թերթը նշում է, որ Սարգսյանը ոչ միայն ՀՀ նախագահի թեկնածու Պարույր Հայրիկյանի հետ կատարվածի պատճառով է դադարեցրել քարոզարշավը, այլև հիվանդության:
«Բանն այն է, որ այս ցուրտ օրերին Սարգսյանը մարզերում անցկացրած քարոզարշավի ընթացքում մրսել է ու «կորցրել» ձայնը», – գրում է «Ժողովուրդ»-ը:
Թերթը այդ հարցով դիմել է ՀՀԿ փոխնախագահ Գալուստ Սահակյանին, ով ասել է.
«Մեր քարոզարշավը կշարունակվի: Ուղղակի գրաֆիկների մեջ փոփոխություն կլինի: Տենց առողջական լուրջ խնդիր չկա, մի քիչ մրսած է, բայց դա կապ չունի քարոզչության հետ: Գրաֆիկի փոփոխություն կլինի, ու կշարունակվի»: