Epress.am Լուրեր Հայաստանից
Վերջին շրջանում Հայաստանում հրապարակվող պաշտոնական վիճակագրական տվյալները խոսում են այն մասին, որ մեր երկիրը մտնում է ֆինանսատնտեսական ճգնաժամի փուլ։ Իրավիճակը շատ նման է 2008-2009թթ. իրավիճակին, «Հայկական ժամանակ» օրաթերթի այսօրվա համարում գրում է թերթի թողարկման պատասխանատու, լրագրող Հայկ Գևորգյանը։
Նա նշում է, որ, ինչպես հինգ տարի առաջ, այսօր էլ Հայաստանում արձանագրվում է մասնավոր տրանսֆերտների նվազում, անշարժ գույքի շուկայի պասիվացում, օտարերկրյա ներդրումների անկում, արդյունաբերության ցուցանիշների վատթարացում։
«Տարբերությունն այն է, որ այդ գործընթացները ներկայում ավելի դանդաղ են, քան հինգ տարի առաջ», ֊ նշում է Գևորգյանը, այնուամենայնիվ, հավելելով, որ այս անգամ «պլստալու» հեռանկարներն ավելի աղոտ են, քանի որ ավելի աղոտ են նաև միջազգային կառույցներից կամ Ռուսաստանից ֆինանսական օգնություն ստանալու հնարավարությունները։
Հայկ Գևորգյանի հոդվածն ամբողջությամբ՝ թերթի այսօրվա համարում