Home / Առողջապահություն / Վարակվածության 289 նոր դեպք․ 205 հոգի ծանր, 48՝ ծայրահեղ ծանր վիճակում են

Վարակվածության 289 նոր դեպք․ 205 հոգի ծանր, 48՝ ծայրահեղ ծանր վիճակում են

Հայաստանում անցած մեկ օրում կորոնավիրուսով վարակվածության դեպքերի թիվն աճել է 289-ով, 75 հոգի առողջացել է, գրանցվել է մահվան 4 դեպք, հայտնում է Առողջապահության նախարարությունը։

Հանրագումարով, մայիսի 26-ի՝ ժամը 11։00-ի դրությամբ Հայաստանում գրանցվել է վարակվածության 7 402 դեպք, որոնցից 3 220-ն` առողջացած, 130-ը՝ մահվան ելքով․ 91 հոգի մահացել է կորոնավիրուսից, կորոնավիրուսով վարակված ևս 39 հոգի, ըստ Առողջապահության նախարարության, մահացել է «այլ պատճառով»:

Մահվան դեպքերի վերաբերյալ նախարարությունից հայտնում են, որ պացիենտները եղել են 85 (տղամարդ), 70 (կին), 83 (կին), 81 (կին) տարեկան և ունեցել են ուղեկցող քրոնիկական հիվանդություններ:

Ընդհանուր առմամբ, կատարվել է 52 554 թեստավորում:

Փաստացի բուժում է ստանում 4 052  հոգի:

Երեկ ուշ գիշերը առողջապահության նախարար Արսեն Թորոսյանը հայտնել էր, որ պացիենտներից 205-ը գտվում է ծանր, 48-ը՝ ծայրահեղ ծանր վիճակում։ 16 հոգի միացված են արհեստական շնչառական սարքին:

Tekali Taxi