Վանաձորում հրդեհից երկու մարդ են մահացել

Փետրվարի 28-ին ժամը 15.00-ին հրդեհ է բռնկվել Լոռու մարզի Վանաձոր քաղաքի Չերկասի փողոցի թիվ 2 շենքի բնակարաններից մեկում, հաղորդում է ՀՀ արտակարգ իրավիճակների նախարարությունը:

Հրդեհը մեկուսացվել է ժամը 15.20-ին, մարվել` 15.35-ին: Վ. Քարադանյանին պատկանող թիվ 17 բնակարանի ննջասենյակում այրվել են բազմոցը, բազկաթոռը և դուռը:

Մինչ հրշեջ-փրկարարների ժամանելը Վանաձոր քաղաքի «Նարեկ» մանկական հիվանդանոց են տեղափոխ­վել նույն բնակարանի բնակիչներ 2007թ. ծնված Ալեքս Քարադանյանը և 2009թ. ծնված Անահիտ Քարադանյանը, որոնք տեղափոխման ճանապարհին մահացել են: