Էթիկայի հանձնաժողովը կքննի ՀՀԿ-ական ու ԲՀԿ-ական պատգամավորների դեմ դիմումները

Հունվարի 17-ին Աժ էթիկայի ժամանակավոր հանձնաժողովը կգումարի իր այս տարվա առաջին նիստը: Այս մասին «Հայկական ժամանակի» թղթակցի հարցին ի պատասխան տեղեկացրել է հանձնաժողովի նախագահ Նիկոլ Փաշինյանը: Նա ասել է, որ փոքրիկ հավանականություն կա նաև արտահերթ նիստի, բայց հունվարի 17-ը հերթական նիստի ամսաթիվն է: Այդ օրը քննարկվելու է 3 հարց, որ հանձնաժողովը վարույթ է ընդունել նախորդ տարեվերջին: Դրանք են «Ռազմավարական մշակումների կենտրոն» ՀԿ-ի դիմումը ԲՀԿ անդամ պատգամավոր Միքայել Մելքումյանի կողմից պատգամավորի էթիկայի կանոնները խախտելու վերաբերյալ, Արմեն Ռուստամյանի դիմումը 83 պատգամավորների վերաբերյալ և «Թրանսփարենսի ինթերնեշնլի» դիմումը ՀՀԿ-ական Մհեր Սեդրակյանի վերաբերյալ: