«Գարեգին Նժդեհ»-ի մասին դրական են խոսել. Ֆորշը ֆիլմի ժամանակ քնել էր
«Մոսկվա» կինոթատրոնում երեկ կայացել է ռեժիսոր և պրոդյուսեր Հրաչ Քեշիշյանի «Գարեգին Նժդեհ» Ֆիլմի պրեմիերան: Նախորդ օրն էլ կազմակերպվել էր ֆիլմի փակ ցուցադրություն, որին ներկա են եղել երկրի աոաջին դեմքերը, գրում է «Հայկական ժամանակ» օրաթերթը:
Թերթը նշում է, որ ֆիլմի վերաբերյալ կարծիքները հիմնականում դրական են եղել: Դեռ առաջին օրվա ցուցադրությունից հետո հումորիստ-դերասան Մկրտիչ Արզումանյանը (Մկո) իր ֆեյսբուքյան էջում գովեստի խոսքեր էր գրել «Գարեգին Նժդեհ»-ի մասին:
Երեկ էլ Ստանիսլավսկու անվան թատրոնի ղեկավար Ալեքսանդր Գրիգորյանը «ՀԺ»-ի թղթակցի հետ զրույցում ասել է. «Շատ հետաքրքիր ֆիլմ է: Ինձ թվում է, սենտիմենտալությունը մի քիչ ավելի շատ էր, քան անհրաժեշտ էր: ֆիլմը պետք է լրջորեն գնահատվի»:
Թերթը նշում է, որ հանդիսատեսների շարքում նաև երգիչ Ֆորշն էր, որն ավելի քան երկու ժամ տևողությամբ ֆիլմի միայն կեսն է հաղթահարել, իսկ մյուս կեսը նա անցկացրել է քնած:
