Home / Տեսանյութեր / «Թուրքեր հեռացեք». Օլիգարխի համակիրները «թշնամիներին» դիմավորեցին նորաբաց Փակ շուկայի մոտ (ՏԵՍԱՆՅՈՒԹԵՐ)

«Թուրքեր հեռացեք». Օլիգարխի համակիրները «թշնամիներին» դիմավորեցին նորաբաց Փակ շուկայի մոտ (ՏԵՍԱՆՅՈՒԹԵՐ)

«Թուրքեր հեռացեք», «Ոչ օտարերկրյա լրտեսներին», «Դավաճաններ», «Աշխատատեղ» ու նմանատիպ այլ կոչեր պարունակող պաստառներով, տարատեսակ սպառնալիքներով և սուլոցներով ՀՀ ԱԺ ՀՀկ խմբակցության պատգամավոր, օլիգարխ Սամվել Ալեքսանյանի  կողմնակիցներն այսօր կրկին «ջերմ» ընդունելության են արժանացրել «Ազատագրենք հուշարձանը օլիգարխից» նախաձեռնության անդամներին, որոնք Մաշտոցի պուրակից երթով շարժվել են դեպի Փակ շուկա՝ պահանջելով նախկին տեսքի բերել պատմական հուշարձան հանդիսացող շենքը:

Փակ շուկան արդեն երրորդ օրն է, ինչ «փակ» չէ. այն վերաբացվել է որպես սուպերմարկետ:

Ի տարբերություն նախորդ ակցիաների, այսօրվաններն ընթացել են փոքր-ինչ փոփոխված սցենարով՝ Սամվել Ալեքսանյանի կողմնակիցները դիրքավորվել են շուկայի շուկայի շենքի մայթին, իսկ նրանց ակտիվիստ «թշնամիները» կանգնել են ոչ թե դիմացի մայիթին, ինչպես նախկինում, այլ նույն շուկայի մայթին: Նախաձեռնության անդմաները, ինչպես միշտ, ներկայացել էին եռագույններով և դեղին գլխարկներով:

Մոտ երկու ժամ տևած ակցիայի ողջ ընթացքում Ալեքսանյանի կողմնակիցները անդադար սուլել, բղավել, օգտագործել անչափ բարձր ձայն հանող կլաքսոնները:

Որոշ «նվիրյալներ» էլ երբեմն-երբեմն ճեղքել են հսկողություն իրակակացնող ոստիկանների պատնեշը՝ փորձելով «դաս տալ», իրենց խոսքով, «աշխատատեղերին վայիս ըլնող» նախաձեռնության անդամներին, սակայն ոստիկանները կանխել են նրանց շարժը:

Ակցիայի ամբողջ ընթացքը ղեկավարվել է Ալեքսանյանի աներորդու ու նրա ընկերների կողմից, ովքեր անընդմեջ ուղղորդել են իրենց թիմակիցներին բարձրախոսով կրկնել կոչերը:

Ակցիան ավարտվել է «Ազատագրենք հուշարձանը օլիգարխից» նախաձեռնության անդամների հեռանալուց հետո: Վերջիններիս Ալեքսանյանի կողմնակիցները ճանապարհել են բուռն ծափերով:

Tekali Taxi