Գլխավոր / Հայաստան / «Հայկական ժամանակ». Ո՞ւմ համար են ուզում խլել ոսկու հանքը

«Հայկական ժամանակ». Ո՞ւմ համար են ուզում խլել ոսկու հանքը

ՀՀ էներգետիկայի և բնական պաշարների նախարար Արմեն Մովսիսյանի համար Հայաստանի վճռաբեկ դատարանի որոշումը, պարզվում է, առ ոչինչ է, գրում է օրաթերթը:

Ըստ մեր ձեռքի տակ եղած փաստաթղթերի` նախարարը դեռ 2009թ. հրաման է արձակել Մեղրիում գտնվող «Սիփան 1» ընկերության «Լիճվազք Թեյի» ոսկու հանքավայրի հանքարդյունահանման լիցենզիան ուժը կորցրած ճանաչելու մասին: Ընկերությունը նախարարի հրամանն ապօրինի ճանաչելու համար դիմել է դատարան: 9 ամիս գործը քննելուց հետո վարչական դատարանը մերժել է ընկերությանը: Վճռաբեկ դատարանը, սակայն, այս տարվա հունիսի 30-ին բեկանել է վարչականի որոշումը և Մովսիսյանի հրամանը ճանաչել ապօրինի:

Վերջինս վճռաբեկի որոշումից 2 ամիս անց` հոկտեմբերի 1-ին, արձակել է 2-րդ հրամանը` նույն լիցենզիան ուժը կորցրած ճանաչելու մասին: Ուշագրավ է նաև, որ նույն օրը, երբ կայացվել է վճռաբեկի որոշումը, Արմեն Մովսիսիյանը «Սյունյաց աշխարհ» թերթին հայտնել է, որ այդ հանքավայրը առաջիկա 1-1,5 ամսվա ընթացքում կհանվի աճուրդի, և չկա հավանականություն, որ լիցենզիան տրամադրվի նույն անձին: Նախարարը նաև նշել է, թե հանքով կան «հետաքրքրվողներ»: Հետաքրքիր է` ովքեր են այդ «հետաքրքրվողները», և արդյոք խոսքը չի՞ գնում բիզնես խլելու հերթական փորձի մասին:

Tekali Taxi