Գլխավոր / Հայաստան / Հայ ուսանողին սպանել են ազգային հողի վրա, պնդում են ծնողները

Հայ ուսանողին սպանել են ազգային հողի վրա, պնդում են ծնողները

Սամարայում սպանված հայ ուսանող Արմեն Սահակյանի մահը մի շարք քննարկումների առիթ է հանդիսացել բլոգերում: Բլոգերներն իրենց կարծիքներում բաժանվել են երկու ճակատի: Մի մասը վստահ է, որ կովկասցիների կողմից սպանված Եգոր Սվիրիդովի մահվան հիշատակի օրը երիտասարդը գազազած ազգայնականների կամ սափրագլուխների, կամ էլ այլ արմատական տրամադրված մարդկանց զոհ է դարձել:

Մյուս մասը գտնում է, որ Արմենի մահը ոչ մի առնչություն չունի երկրում ստեղծված լարված իրավիճակի հետ: «Սլավոնացիներին նույնպես ամեն օր մոռթում են փողոցներում: Եվ այս ամենը կատարվում է իրավապահ մարմինների լռության ֆոնի վրա, որոնք դեռևս սահմանափակվում են միայն սովորական քրեական մարդասպանության բնութագրումով և այն հոդվածի հիշատակմամբ, որի համաձայն քրեական գործ է հարուցվել»,-գրում է tltgorod.ru-ն:

Հարկ է նշել, որ հունվարի 15-ին, ինչպես և Ռուսաստանի շատ քաղաքներում, Սամարայում պետք է անցկացվեր Եգոր Սվիրիդովի մահվան հիշատակի ակցիա: Սակայն երթը չկայացավ: Ոստիկանները ձերբակալել են 21 հոգու, որոնցից 11-ը անչափահասներ էին: Հիշեցնենք, որ նույն օրը` հունվարի 15-ին, ավտոբուսի կանգառի մոտ դանակահարվել էր Սահակյանը, ով Սամարայի Պետական Համալսարանի իրավաբանական ֆակուլտետի ուսանող էր հանդիսանում: Երիտասարդը տաքսի էր նստել և ինքնուրույն հասել մոտակա հիվանդանոց, որտեղ էլ և մահացել էր: Սպանվածի հարազատները չեն կասկածում, որ տղային սպանել են կովկասցու արտաքին ունենալու համար:

«Հունվարի 15-ի երեկոյան նրան զանգահարեցին ընկերները, և առաջարկեցին նշել սեսիոն քննությունների հաջող ավարտը,- ասել է Արմենի հայրը` Անդրանիկ Սաահակյանը,- նա նստել է տրամվայ, և դուրս եկել «Постников овраг» կանգառում: Մենք ենթադրում ենք, որ նրան սկսել են հետևել մոտ 5 երիտասարդներ: Կարծում եմ` դրանք սափրագլուխներ են եղել:

Դատաբժիշկները պատմել են ինձ, որ դանակի հարվածը եղել է ուղիղ նրա սրտին, այնուհետև հանցագործները բարձրացրել են դանակը վերև, և պտտել 180 աստիճանով: Սակայն Արմենը կարողացել է ևս 15 մետր քայլել, և խնդրել տաքսու վարորդին իրեն հիվանդանոց հասցնել: Հիվանդանոցի ճանապարհին նա մահացել է»: Անդրանիկ Սահակյանի խոսքով` իր որդուց ոչ մի արժեքվոր բան չեն գողացել, թեև այդ երեկո նրա վզին ոսկյա շղթա և թևնոց կար, լավ ժամացույց, բջջային հեռախոս, և փող: Սա բացառում է գողության նպատակներով սպանության վարկածը:

Tekali Taxi