Գլխավոր / Հայաստան / Վախենում ենք երեխաների սոված մնալուց. Երևանի քաղաքապետից հացի փող են ուզում

Վախենում ենք երեխաների սոված մնալուց. Երևանի քաղաքապետից հացի փող են ուզում

«Մենք քեզանից բան չենք ուզում, մենք հաց ենք ուզում: Մենք մենակ վախենում ենք մեր երեխաների սոված մնալուց, ուրիշ բանից չենք վախենում»:

Այսօր Երևանի քաղաքապետարանի մոտ հավաքված տասնյակ մարդիկ այսպիսի կոչերով էին դիմում Երևանի քաղաքապետ Կարեն Կարապետյանին: Հիշեցնենք, արդեն երկու օր է նրանք բողոքում են Երևանի քաղաքապետարանի` փողոցային առևտուրն արգելելու որոշման դեմ: Հավաքվածները Երևանի տարբեր բացօթյա տոնավաճառներում առևտուր են անում:

Բողոքի ակցիայի մասնակիցները ցանկանում են հանդիպել Կարեն Կարապետյանի հետ:

«Մենք չենք կարող ճնշված ապրել էս քաղաքում, քաղաքապետը վախում ա, իջի խոսա էս ժողովրդի հետ, այ վախկոտ», – ասում էին հավաքվածները:

Ցույցի մասնակիցներից մեկն էլ ասաց. «Սերժը ասում էր`«Առաջ Հայաստան», դրել եք զադնի, 100 կմ հետ եք գնացել»:

Մարդիկ պատմում էին, որ Երևանի քաղաքապետարանի որոշման արդյունքում իրենք հայտնվել են անելանելի վիճակում:

«Կռիվ եք ասում, որ կռիվ լինի չեմ գնա, ո՞ւմ համար պիտի գնամ», – ասում էին նրանք:

Բողոքողներից մեկն էլ ավելացրեց. «Ես որ կռվում էի, իրանք կայֆավատ էին լինում»:

Այս պահին բողոքի ակցիան շարունակվում է:

Հավաքվածները վանկարկում են` «Աշխատանք», «Հացի փող», «Հաց ենք ուզում»:

Tekali Taxi