Արամ Կարապետյանն առաջակում է հետևել Վենեսուելայի օրինակին

Հայաստանում բարեփոխումերով հարց չի լուծվում: Այսօր լրագրողների հետ հանդիպման ժամանակ այս մասին հայտարարել է «Նոր ժամանակներ» կուսակցության նախագահ Արամ Կարապետյանը:

Նա մասնավորապես, խոսել է ոստիկանական համակարգի մասին ` նշելով, որ այստեղ հարկավոր են փոփոխություններ և ոչ թե բարեփոխումներ:

Կարապետյանը բերել է Վենեսուելայի օրինակը, որտեղ բոլոր ոստիկաններին հեռացրել են աշխատանքից և նոր կադրերով են համալրել համակարգը:

«Առաջարկում եմ, որ այն մարմինները, որ չեն կարողացել իրականացնել իրենց գործը... նրանց պետք է փոխել», - ասել է Կարապետյանը:

Ասուլիսի ևս մեկ մասնակից ԱԺ ՀՀԿ խմբակցության պատգամավոր Հովհաննես Սահակյանն ասել է, որ խնդիրներ, իհարկե, կան, բայց դրանք միանգամից չեն կարող լուծվել:

Սահակյանի խոսքով` հանրությունը չէր հավատում, որ բարձրաստիճան պաշտոնյաներ ևս կարող են պատասխանատվության ենթարկվել, սակայն այժմ մարդիկ տեսնում են, որ գործողությունների նման ընթացքը հնարավոր է:

Լուսանկարում` Վենեսուելայի առաջնորդ Ուգո Չավեսը