Home / Հայաստան / Խաչատրյանի «Պոետի վերադարձը» արժանացել է «Լավագույն ֆիլմ» գլխավոր մրցանակի

Խաչատրյանի «Պոետի վերադարձը» արժանացել է «Լավագույն ֆիլմ» գլխավոր մրցանակի

Ապրիլի 24-28-ը Իրանում անցկացված Քիշի առաջին միջազգային կինոփառատոնում Հարություն Խաչատրյանի «Պոետի վերադարձը» ֆիլմն արժանացել է «Լավագույն ֆիլմ» գլխավոր մրցանակի:  Բացի ռեժիսորից, Իրան էին հրավիրվել նաև օպերատոր Վրեժ Պետրոսյանը, կինոգետ Դավիթ Մուրադյանը և Կինոգործիչների միության նախագահ Ռուբեն Գևորգյանցը: Քանի որ Հարություն Խաչատրյանը շուտ էր վերադարձել փառատոնից, մրցանակը  ստացել է և իր հետ Հայաստան կբերի Ռուբեն Գևորգյանցը:

Ազատ առևտրի գոտում կազմակերպվող փառատոնը նպատակ ուներ վերականգնելու իրանական փառատոնների վարկն աշխարհում: Այդ նպատակով հրավիրվել էին վերջին 5 տարիներին նկարահանված լավագույն ֆիլմերը, այդ թվում` Հարություն Խաչատրյանի երկու ֆիլմերը` «Սահմանը» և «Պոետի վերադարձը»` համապատասխանաբար խաղարկային և վավերագրական անվանակարգերում, հայտնում է «Ոսկե ծիրան» կինոփառատոնի լրատվական կենտրոնը:

Tekali Taxi