Home / Հայաստան / Թուրքիայի քրդերը խոստովանում են, որ մասնակցել են հայերի ջարդերին

Թուրքիայի քրդերը խոստովանում են, որ մասնակցել են հայերի ջարդերին

Թուրքիայի քրդերն ընդունել են իրենց պատասխանատվությունը 1915 թվականին Օսմանյան Թուրքիայում կազմապերպված հայերի զանգվածային ջարդերին մասնակցելու համար և հայերից ներողություն են խնդրում: Այս մասին կիրակի օրը հայտարարել է Պոլսի պատրիարքարանի եպիսկոպոս Սահակ Մաշալյանը, հայտնում է Al-Monitor-ը:

Հաստատելով հայ եպիսկոպոսի խոսքերը՝ հրատարակությունը փոխանցում է Դիարբեքիր քաղաքի Սուր շրջանի քաղաքապետ Աբդուլլահ Դեմիրբաշի հայտարարությունը. «Մենք՝ քրդերս, նույնպես պատասխանատու ենք հայերի տառապանքների համար: Մենք ցավում ենք և պետք է դա ապացուցենք»:

Դեռ երկու տարի առաջ, որպես առաջին քայլ, Դեմիրբաշը քաղաքապետարանում հայոց լեզվի դասընթացներ էր կազմակերպել: Նրա խոսքով՝ դասընթացների հաճախականությունը շատ բարձր էր: «Դասընթացների մասնակիցների մեծ մասը հայերի ժառանգներն են, ովքեր բռնի ուժով մահմեդականացվել են»,- նշել է նա:

Օսմանյան իշխանությունների հրամաններին հնազանդվելով՝ քուրդ առաջնորդները թալանել, բռնաբարել ու սպանել են հայերին, ում հարևանությամբ ապրել էին դարեր շարունակ, գրում է Al-Monitor-ը: 1915 թվականի ջարդերին նրանց մասնակցությունն ապացուցում են բազմաթիվ փաստաթղթեր: Ժամանակի հետ այդ փաստը խոստովանող քրդերի թիվն աճում է:

Թուրք պատմաբան Օսման Քոկլերը վստահ է, որ ջարդերից առաջ Դիարբեքիրի բնակչության ուղիղ կեսը մահմեդական չէր: «Նրանց մեծ մասը հայեր էին, իսկ հիմա այնտեղ ոչ ոք չի մնացել»,- Քոկլերին է մեջբերում հրատարակությունը: 

Tekali Taxi