Home / Հայաստան / Թեքալիում կքննարկեն Վրաստանի դերը Հարավային Կովկասի երկրների միավորման հարցում

Թեքալիում կքննարկեն Վրաստանի դերը Հարավային Կովկասի երկրների միավորման հարցում

Վրաստանի դերն ու ներուժը Հարավային Կովկասի երկրների՝ մեկ միության մեջ միավորվելու հնարավորության հարցը կքննարկեն մայիսի 24-ին՝ Թեքալիի գործընթացի շրջանակներում հերթական հանդիպման ժամանակ։ Քննարկումը տեղի կունենա Հայաստանի և Ադրբեջանի սահմանի մոտ գտնվող վրացական Թեքալի գյուղում։

Ինչպես հայտնում է Խաղաղարար նախաձեռնությունների կովկասյան կենտրոնը, Թեքալիի գործընթացի այս տարվա բոլոր ակցիաներն ու հանդիպումները նվիրված են լինելու Հակամարտությունների և բանակցությունների միջազգային կենտրոնի հիմնադիր ու տնօրեն, գիտնական, Կովկասում խաղաղության, մարդու իրավունքների ու ազատությունների մարտիկ Գիորգի Խուցիշվիլիի հիշատակին։

«Հարավկովկասյան միություն․ կողմ և դեմ – Վրաստանի դերն ու ներուժը» թեմայով ելույթ կունենան Զարդուշտ Ալիզադեն (Բաքու), Սամվել Իսրայելյանը (Երևան), Խաթունա Չապիպաձեն (Թբիլիսի)։

Հանդիպման ծրագրում նաև․

1․ Նորությունների Ճառի մրցույթի մասին, ինչպես է անցել Tekali Art Fest-ը (ապրիլ 2014) և ապագա ծրագրեր։

2․ One Caucasus Festival (Մարնեուլի շրջան, օգոստոս 2014) և Թեքալիի գործընթաց․ երկու նախաձեռնությունների փոխգործակցության ներկայացում։

3․ Թեքալի – Տրանզիտ

4․ Ազատ խոսափող։

Լսումների զեկույցների տեքստերը հրապարակվում են southcaucasus.com կայքում։

Հանդիպմանը մասնակցել բոլոր ցանկացողներին կտրամադրվի փոխադրում։ Ավտոբուսում տեղ ամրագրելու համար կազմակերպիչները խնդրում են գրել [email protected] էլ․ հասցեով կամ զանգահարել հետևյալ հեռախոսահամարներով՝ +994 55 8726695 (Ադրբեջան), +374 55 401459 (Հայաստան), +995 599 753754 (Վրաստան)։