Home / Հայաստան / ՀՀԿ֊ական պատգամավորը պատարստ է իր ձեռքով «պատժել դավաճաններին»

ՀՀԿ֊ական պատգամավորը պատարստ է իր ձեռքով «պատժել դավաճաններին»

ԱԺ ՀՀԿ խմբակցության ղեկավար Վահրամ Բաղդասարյանը չի պատրաստվում իր հայտարարության առնչությամբ ԱԱԾ դիմել, գրում է «Հայկական ժամանակ» օրաթերթը։ Բաղդասարյանը նախորդ շաբաթ կայացած ԱԺ նիստին ասել էր, որ որոշ պատգամավորների ելույթից «ալիևյան նավթադոլարների» հոտ է գալիս։

Թերթի հետ զրույցում Բաղդասարյանը նախ հետաքրքրվել է լրագրողից՝ «ինչի՞ համար դիմեմ», ապա նշել է, եթե նավթադոլարների հոտը շարունակաբար զգա, ապա արդեն կուսումնասիրի։

«Եթե հանկարծ նման բան տեսնեմ, իմ ձեռքով կպատժեմ այդ դավաճաններին, չեմ դիմի ԱԱԾ֊ին», ֊ նշել է ՀՀԿ֊ական պատգամավորը։

Թերթը հարցրել է ԱԱԾ մամուլի ծառայության ղեկավար Արծվին Բաղրամյանին՝ արդյոք Բաղդասարյանի հայտարարություններին ընթացք է տրվել, սակայն վերջինս մեկնաբանություններից հրաժարվել է։

Մանրամասները՝ թերթի այսօրվա համարում  

Լուսանկարը՝ a1plus.am