ՀՀ կառավարությունը չի կարողանում գումար հայթայթել ԵՏՄ֊ին անդամակցելու ծախսերը հոգալու համար․ «ՀԺ»

Հայաստանի՝ Եվրասիական տնտեսական միությանն անդամակցությունն ապահովելու համար անհրաժեշտ են զգալի գումարներ, որոնցով պետք է իրականացվի Հայաստանի մաքսային և այլ ոլորտների կանոնակարգերի, ծրագրային ապահովվածության ներդաշնակեցումը ԵՏՄ պահանջներին, գրում է «Հայկական ժամանակ» օրաթերթը:

«Ըստ որոշ գնահատականների՝ մինչև պաշտոնական անդամակցությունը և դրանից հետո սկզբնական փուլում նշված ներդաշնակեցման աշխատանքներն իրականացնելու համար անհրաժեշտ է մինչև 70 միլիոն դոլար, որի մեծ մասը՝ մոտ 40 միլիոնը, պետք է տրամադրեին ԵՏՄ անդամ երկրները, հիմնականում՝ Ռուսաստանը: Արդեն մի քանի ամիս տևած բանակցություններից հետո, մեր տեղեկություններով, Ֆինանսների նախարարությունը հույս չունի, որ կստանա այդ գումարները», ֊ նշում է թերթը:

Հղում կատարելով իր աղբյուրներին՝ «ՀԺ»֊ն հավելում է, որ շուտով ՀՀ կառավարությունը քննարկելու է նշված 40 միլիոնը որևէ այլ աղբյուրից հայթայթելու խնդիրը: Առայժմ որևէ աղբյուր չի հայտնաբերվել, իսկ անդամակցությանը մնացել է ընդամենը մեկ ամիս:

Մանրամասները՝ թերթի այսօրվա համարում