Բաղրամյանում հացադուլ անող երիտասարդներին տեղափոխել են հիվանդանոց

Էլեկտրաէներգիայի սակագնի բարձրացման մասին որոշումը չեղարկելու պահանջով Բաղրամյան պողոտայում հացադուլ անող Հարություն Հարությունյանն ու Հայկ Պարիկյանը տեղափոխվել են թիվ 1 հիվանդանոց։

Երիտասարդներից մեկը՝ Հարություն Հարությունյանը, սուր ցավեր է ունեցել որովայնի շրջանում, իսկ Հայկ Պարիկյանն իրեն պարզապես վատ է զգացել։

Հիվանդնոց մեկնող շտապօգնության մեքենան ցուցարարները ծափողջույններով ճանապարհեցին։

Հիշեցնենք, որ երիտասարդները հացադուլ էին հայտարարել հունիսի 30-ին։ Երևանի փոխոստիկանապետ Վալերի Օսիպյանի հետ զրույցում նրանք ասել էին, որ հացադուլը շարունակելու են այնքան, մինչև թանկացման մասին որոշումը չեղարկվի։