Լարսը բաց է մարդատար ավտոմեքենաների համար

Արտակարգ իրավիճակների նախարարությունը տեղեկացնում է, որ փետրվարի 5-ին՝ ժամը 18:07-ի դրությամբ Հայաստանում կան փակ և դժվարանցանելի ավտոճանապարհներ:

Վարդենյաց լեռնանցքը փակ է բոլոր տեսակի ավտոմեքենաների համար:

Գեղարքունիքի մարզի Ծովագյուղ տանող ճանապարհահատվածը դժվարանցանելի է բքի պատճառով, Սոթք-Քարվաճառ հատվածում ևս բուք է։ Շիրակի մարզի Արթիկ-Ալագյազ ավտոճանապարհը դժվարանցանելի է :

Գյումրի-Բավրա ավտոճանապարհը դժվարանցանելի է բեռնատարների համար:

Սյունիքի մարզի, Արագածոտնի մարզի Ծաղկահովտի տարածաշրջանի, Քուչակ-Ապարան և Երևան-Սևան, Գյումրի-Բավրա ավտոճանապարհներին տեղ-տեղ առկա է մերկասառույց:

Չայնիի ոլորաններում մառախուղ է:

Սարավան-«Զանգեր» հատվածում, Վայոց ձորի մարզի Ջերմուկ, Եղեգնաձոր և Կոտայքի մարզի Հրազդան քաղաքներում, Արագածոտնի և Շիրակի մարզերում, բացի Անիի և Արթիկի տարածաշրջաններից, տեղում է ձյուն:

Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է մարդատար ավտոմեքենաների համար, փակ՝ միայն բեռնատարների համար: Ռուսական կողմում կա կուտակված 863 բեռնատար:

Վարորդներին խորհուրդ է տրվում երթևեկել բացառապես ձմեռային անվադողերով։