Զինվորի մահվան դեպքով քրգործ է հարուցվել ինքնասպանության հասցնելու հոդվածով

ՀՀ քննչական կոմիտեի զինվորական քննչական գլխավոր վարչության վեցերորդ կայազորային քննչական բաժնում քրեական գործ է հարուցվել ժամկետային զինծառայող, շարքային Ալիկ Մանուկյանի մահվան դեպքի առթիվ ՀՀ քրեական օրենսգրքի 360.1-րդ հոդվածի (զինծառայողին անզգուշությամբ ինքնասպանության հասցնելը) 1-ին մասով նախատեսված հանցագործության հատկանիշներով։

Հիշեցնենք, որ հուլիսի 18-ին՝ ժամը 14:00-ի սահմաններում, ՀՀ ՊՆ N զորամասի պատասխանատվության տարածքում հայտնաբերվել է պարտադիր ժամկետային զինծառայող, շարքային Ալիկ Նորայրի Մանուկյանը` գլխի շրջանում ստացած հրազենային վնասվածքով: Զինվորական հոսպիտալ տեղափոխվելու ճանապարհին Մանուկյանը մահացել է:

Կատարվում է նախաքննություն, ասված է պաշտոնական հաղորդագրության մեջ։