Ազատամարտիկները բանտի մոտ խոսեցին սոցիալական անհավասարության մասին

Խարդախության մեջ մեղադրվող պահեստազորի գնդապետ, ազատամարտիկ Վոլոդյա Ավետիսյանի մարտական ընկերները, համակիրները նրան աջակցելու նպատակով այսօր այցելել են «Նուբարաշեն» ՔԿՀ և բողոքի ակցիա անցկացրել կալանավայրի մոտ: Պաստառներն ու դրոշները ձեռքերին՝ ակցիայի մասնակիցները սկզբում հավաքվել են ՔԿՀ-ի վարչական մուտքի մոտ, այնուհետ տեսանելի և լսելի դառնալու համար  բարձրացել են բլրակի վրա, որտեղից երևում էր ՔԿՀ-ի շենքը ու բարձրախոսով դիմել են թե Ավետիսյանին, թե մյուս դատապարտյալներին: