Լևոն Արոնյանն ու Գաբրիել Սարգսյանը Գրոսմայստերական դպրոց են հիմնել

Շախմատիստներ Լևոն Արոնյանն ու Գաբրիել Սարգսյանը Հայաստանի շախմատի ֆեդերացիայի աջակցությամբ հիմնել են Գրոսմայստերական դպրոց: Երկու գրոսմայստերներն անհատական մոտեցմամբ մարզումներ կանցկացնեն 10-18 տարեկան տաղանդավոր շախմատիստների հետ:

Ինչպես հաղորդում է Armchess.am-ը, դպրոցում կընդգրկվեն աշխարհի ու Եվրոպայի առաջնությունների հաղթողներն ու Հայաստանի առաջնությունների ոսկե և արծաթե մեդալակիրները:

Երկշաբաթյա մարզումները կանցկացվեն տարին 2-3 անգամ: Լևոն Արոնյանի և Գաբրիել Սարգսյանի հետ վարպետությունը պատանիներին կփոխանցեն նաև այլ փորձառու մասնագետներ: