Epress.am Լուրեր Հայաստանից
Այսօր Ուսանողական այգու համար կոլեկտիվ դատական հայցի համահայցվոր են դարձել ՀՀ Գիտությունների Ազգային Ակադեմիայի նախագահության անդամներ, ակադեմիկոսներ Վլադիմիր Բարխուդարյանը, Գևորգ Բրուտյանը, Վիլեն Հակոբյանը և Ադոլֆ Մանթաշյանը: Այս պահին հայցին միացել են շուրջ 50 քաղաքացիներ:
Ինչպես հայտնում են «Մենք ենք այս քաղաքի տերը» նախաձեռնության անդամները, արդեն պատրաստ է դատական հայցը ՀՀ վարչական դատարան ներկայացնելու համար` վիճարկելու Երևանի քաղաքապետարանի գործողությունները Ուսանողական այգում իրականացվող շինարարության կապակցությամբ:
Հայցի հիմքում ընկած են ՀՀ սահմանադրությամբ, օրենքներով և միջազգային պայմանագրերով սահմանված` առողջ շրջակա միջավայրում ապրելու, հանգստի, կենսագործունեության միջավայրի ծրագրվող փոփոխությունների մասին իրազեկվելու և քաղաքաշինական ծրագրերի ու նախագծերի քննարկմանը և որոշումների ընդունմանը մաuնակցելու քաղաքացիների իրավունքների ոտնահարումների փաստը:
Դեկտեմբեր | 22 | 18:53