Գլխավոր / Армения / Օսկանյանը Հռոմում չէ, իսկ պաշտոնական Երևանը չի բանակցում Անկարայի հետ

Օսկանյանը Հռոմում չէ, իսկ պաշտոնական Երևանը չի բանակցում Անկարայի հետ

Այսօր «Սարդարապատ» շարժման նիստի ժամանակ շարժման նախաձեռնող անդամ Տիգրան Խզմալյանը խոսել է հայ-թուրքական գաղտնի բանակցությունների մասին, որոնք ընթանում են Հռոմում ՀՀ նախկին բարձրաստիճան պաշտոնյաների` Վարդան Օսկանյանի և Ժիրայր Լիպարիտյանի մասնակցությամբ:

Epress.am-ը դիմել է ՀՀ ԱԳՆ մամուլի խոսնակ Տիգրան Բալայանին` հարցնելով, թե արդյոք ԱԳՆ-ը տեղյակ է նման բանակցություններից:

«Հայաստանի և Թուրքիայի միջև պաշտոնական բանակցություններ չեն վարվում», – մեզ պատասխանել է Տիգրան Բալայանը:

«Սիվիլիտաս» հիմնադրամի հանրային կապերի պատասխանատու Աննա Սաղաբալյանը, իր հերթին, Epress.am-ի հետ զրույցում նշել է, որ Վարդան Օսկանյանն այս պահին գտնվում է Երևանում:

«Վարդան Օսկանյանը վերջին մեկ ամսվա ընթացքում երկրից չի բացակայել», – ասել է Աննա Սաղաբալյանը:

Tekali Taxi