Home / Армения / Երևանում փոխում են մերկ մարմնի մասին պատկերացումները

Երևանում փոխում են մերկ մարմնի մասին պատկերացումները

Այսօր Նկարիչների Միության շենքում բացվեց «Մարմին. նոր պատկերային արվեստը Հայաստանում» ցուցահանդեսը, որին մասնակցում են համադրողներ Արարատ Սարգսյանը, Արևիկ Արևշատյանը, Արման Գրիգորյանը, Սարգիս Համալբաշյանը, Դավիթ Կարեյանը: Ցուցահանդեսի բացմանը ներկա էին մեծ թվով այցելուներ:

Ցուցահանդեսին ներկայացված են 40-ից ավելի հայ ժամանակակից արվեստագետների մոտ 200 գործեր` լուսանկրաներ, վիդեոարտ, պերֆորմանս, գեղանկարներ, քանդակ:

Բացման խոսքով հանդես են եկել «Ակադեմիա պատկերասրահի» տնօրեն Գոռ Վարդանյանը, համադրող Արարատ Սարգսյանը, Նկարիչների միության նախագահ Կարեն Աղամյանը, ով նաև վերջերս կայացած Երիտասարդ նկարիչների հանրապետական ցուցահանդեսի 3 մասնակիցներին` լավագույն աշխատանքների հեղինակներին, հանձնել է դիպլոմներ:

Epress.am-ի հետ զրույցում ցուցահանդեսի համադրողներից մեկը` Արման Գրիգորյանը, նշել է, որ գրեթե բոլոր գործերը, որոնք ներկայացված են ցուցահանդեսին, նպատակ ունեն ցույց տալ հասարակության հայացքի փոփոխությունը մերկ մարմնի նկատմամբ:

«Մենք հուսով ենք, որ այս ցուցահանդեսը խթան կհանդիսանա, որ հետագայում շատ կազմակերպվեն մարմնին նվիրված ցուցահանդեսներ, նաև այն ոգևորություն կառաջացնի երիտասարդ նկարիչների շրջանում: Երբ մերկ մարմինը շատ է` առաջադիմությունը շատ է», – մեզ հետ զրույցում ասել է Արման Գրիգորյանը:

Epress.am-ի հետ զրույցում համադրողներից Դավիթ Կարեյանը հույս հայտնեց, որ այս ցուցահանդեսը բացասական արձագանք չի գտնի հասարակության կողմից, քանի որ վերջին տարիների ընթացքում լրատվամիջոցների օգնությամբ բավականաչափ փոխվել է մարմնի մասին մարդկանց պատկերացումները:

«Բավական է ցանկացած հեռուստաալիք նայել, և կտեսնեք, թե ինչքան բան ա փոխվել, այնպես չէ, ինչպես 20 տարի առաջ Սովետական միությունում: Կարծում եմ` ավելի շատ կքննարկվի, քան կքննադատվի»- ասել է Դավիթ Կարեյանը:

Tekali Taxi