Home / Հայաստան / «Ժառանգությունը» հաջորդ խորհրդարանում ավելի շատ տեղ կունենա, համոզված է կուսակցության առաջնորդը

«Ժառանգությունը» հաջորդ խորհրդարանում ավելի շատ տեղ կունենա, համոզված է կուսակցության առաջնորդը

Բոլորս գնալով հասկանում ենք, որ քաղաքական բոլոր լուրջ դերակատարները իրենց համարում են հերթական նախընտրական շրջանում, և ինչ էլ ասեն, կամ չասեն մամուլի ասուլիսներում, հանրային ելույթներում, թե հարթակից, իրենք արդեն նախապատրաստվում են հատկապես հերթական ընտրությունների: Այսօր լրագրողների հետ հանդիպման ժամանակ այս մասին ասել է «Ժառանգություն» կուսակցության առաջնորդ Րաֆֆի Հովհաննիսյանը:

«Այդ ընտրությունների նախապատրաստությունն արդեն կա գոնե փակ համակարգներում: Բայց եթե խնդիրն այն է, որ, մտնելով Ազգային Ժողով, որպեսզի մեր 7-ը դարձնենք 15, կամ արտախորհրդարանական կարգավիճակը դարձնենք խորհրդական, և ակնկալել, որ այդպիսով Հայաստանը պիտի փոխվի, ես կարծում եմ, որ դրանք անհիմն ակնկալիքներ են: Եվ այդ հարցը պիտի լուծվի ամենաանհավանական բանաձևերով և համատեղ դաշնային աշխատանքով»,- ասել է Հովհաննիսյանը:

Նա նշել է, որ ապագա խորհրդարանում «Ժառանգությունն» ինչ-ինչ պատճառներով ավելի շատ տեղեր կունենա, սակայն չի ընդհանրացրել թե ինչ պատճառներ են դրանք (այս պահին «Ժառանգություն» խմբակցությունն ունի 7 պատգամավոր- Epress.am):

Րաֆֆի Հովհաննիսյանը խոսել է նաև 2013 թվականի նախագահական ընտրություններին իր առաջադրվելու հնարավորության մասին.

«Կան հարյուրավոր կանայք և տղամարդիկ, որոնք կարող են լինել նախագահի թեկնածուներ: Մենք պիտի վերջապես 1995 թվականից այս կողմ ունենանք իրավական երկիր, և դա իրացնելու, դրան ավելի մոտիկ բերելու համար, ես պատրաստ եմ իմ թեկնածությունը դարձնել և առավել հավանական, և առավել անհավանական», – ասել է Հովհաննիսյանը:

Tekali Taxi