Home / Հայաստան / «Հայաստանյան» կապիկներն ու թութակները կբնակվեն Սանկտ Պետերբուրգի կենդանաբանական այգում

«Հայաստանյան» կապիկներն ու թութակները կբնակվեն Սանկտ Պետերբուրգի կենդանաբանական այգում

Սանկտ Պետերբուրգի Լենինգրադյան կենդանաբանական այգին մշտական բնակության կվերցնի Հայաստանից ապօրինաբար Պետերբուրգ տեղափոխված էկզոտիկ կենդանիների և թռչունների մի խումբ: Կենդանիները Սանկտ Պետերբուրգ են բերվել մաքսանենգների կողմից:

Ինչպես հայտնում են օպերատիվ մաքսայինի ծառայության մամուլի գրասենյակից, Շմիդտի 4 կարմրապոչ կապիկներին ու 10 Ժակո թութակներին մաքսայինները օդանավակայանում առգրավել էին Հայաստանի քաղաքացուց դեռ 2009 թվականին: Նա թռչում էր «Երևան-Սանկտ Պետերբուրգ-Երևան» չվերթով և մաքսային ծառայության աշխատակիցներին հայտարարել էր, որ իր մոտ հատուկ գրանցման ենթակա ոչ մի իր չունի:

Սակայն ավելի ուշ պարզվել էր, որ տղամարդն իր հետ կենդանիների խումբ է տանում: Կապիկներն ու թութակները դեղորայքի ազդեցության տակ քնի վիճակում են գտնվել երկհարկ մետաղական վանդակում, որը փաթաթված է եղել պոլիէթիլենային պայուսակի մեջ:

Տղամարդու մոտ բացակայում էին դեպի Ռուսաստան կենդանիների և թռչունների առաքում թույլատրող փաստաթղթերը:

Կենդանիների պաշտոնական հանձնումը կենդանաբանական այգուն տեղի կունենա հուլիսի 8-ին:

Tekali Taxi