Համաներմամբ ազատ է արձակվել 533 դատապարտյալ
Մայիսի 27-ից սկսված ՀՀ անկախության հռչակման 20-րդ տարեդարձի կապակցությամբ հայտարարված համաներմամբ հուլիսի 15-ի դրությամբ ազատ է արձակվել 533 դատապարտյալ: Քրեակատարողական վարչության հանրային կապերի բաժինը նշում է, որ կրճատվել է 283 դատապարտյալի պատժաչափը:
Համաներմամբ ազատ արձակված և պատժաչափը կրճատված դատապարտյալների քանակը ներկայացվում է ըստ քրեակատարողական հիմնարկների.
«Նուբարաշեն» - ազատ է արձակվել 65-ը, կրճատում 4,
«Էրեբունի» - ազատ է արձակվել 112-ը, կրճատում 60,
«Վարդաշեն» - ազատ է արձակվել 32-ը, կրճատում 15,
«Դատապարտյալների հիվանդանոց» - ազատ է արձակվել 30-ը, կրճատում 8,
«Երևան Կենտրոն» - 0 (ազատ արձակման ենթակա դատապարտյալներ չկան),
«Արթիկ» - ազատ է արձակվել 48-ը, կրճատում 40,
«Վանաձոր» - ազատ է արձակվել 18-ը, կրճատում 14,
«Սևան» - ազատ է արձակվել 70-ը, կրճատում 39,
«Հրազդան» - ազատ է արձակվել 31-ը, կրճատում 7,
«Աբովյան» - ազատ է արձակվել 7-ը, կրճատում 16,
«Գորիս» -ազատ է արձակվել 13-ը, կրճատում 9,
«Կոշ» - ազատ է արձակվել 107-ը, կրճատում 71:
Համաներմամբ դատապարտյալների ազատ արձակման, ինչպես նաև պատժաչափը կրճատելու գործընթացը շարունակվում է:
