Home / Հայաստան / Նորվեգացի մարդասպանը նշել է ահաբեկչության նպատակը

Նորվեգացի մարդասպանը նշել է ահաբեկչության նպատակը

Այսօր նորվեգացի Անդերս Բերինգ Բրեյվիկը, ում մեղադրում են կրկնակի ահաբեկչության մեջ, ոստիկանությունում տեղի ունեցած հարցաքննության ժամանակ պատմել է, որ ահաբեկչության բուն նպատակը երկրի նախկին վարչապետ Գրու Հարլեմ Բրունտլանին վերացնելն է եղել, հայտնում է Reuters-ը:

Գրու Հարլեմը երեք անգամ ղեկավարել Նորվեգիայի կառավարությունը` 1981–1996 թթ., երբ նորվեգական աշխատանքային կուսակցությունը խորհրդարանում մեծամասնություն էր կազմում: Նրան հաճախ անվանում էին «ազգի մայր»: Ահաբեկչության օրը Բրունտլանը ելույթով հանդես է եկել Ուտոյա կղզում` երիտասարդական ճամբարի մասնակիցների առջև, և լքել այն նախքան Բրեյվիկի կրակոցները:

Պարբերականի տվյալներով` 32-ամյա Բրեյվիկը ցանկանում էր «սպանել Գրուին»; Հաղորդվում է, որ Բրեյվիկը այս հայտարարությունն արել է ոստիկանությունում դատական նիստի մեկնարկից առաջ, հայտնում է NEWSru.com-ը:

Նշենք, որ նորվեգական դատարանը որոշել է լսումները փակ ռեժիմով իրականացնել չնայած այն հանգամանքին, որ ավելի վաղ Բրեյվիկը պահանջել էր բաց լսումներ կազմակերպել, ինչպես նաև հայտարարել էր, որ դատական նիստին ներկայանալու է համազգեստով:

Tekali Taxi