Գիտնականներն աշխարհում առաջին անգամ արյունատար անոթներ են «աճեցրել»

Իսրայելի Տեհնիոնի ինստիտուտի գիտնականները, ինչպես նաև Ռամբաբ բժշկական կենտրոնի աշխատակիցները աշխարհում առաջին անգամ նոր արյունատար անոթներ են ստացել` օգտագործելով էմբրիոնային ցողունային բջիջներ (հանդիսանում են մարդու բոլոր օրգանների և հյուսվածքների բջիջների նախատիպերը, որոնցից կազմվում են մնացած բոլոր տեսակի բջիջները):

Լաբորատորիայում «աճեցված» անոթները գիտնականները պատրաստվում են օգտագործել սրտանոթային հիվանդություններ ունեցող հիվանդների բուժման համար:

Հետազոտական խմբին հաջողվել է նույնությամբ վերարտադրել համապատասխան հյուսվածքները, որոնցից էլ արյունատար անոթներ են աճեցվել:

Գիտնականները հույս ունեն հետագայում նաև տարատեսակ անոթային հիվանդություններ, այդ թվում` սրտի և ուղեղի կաթված բուժել: