Home / Հայաստան / Հայաստանի սահմանը հատած Ալիևին վերադարձրել են Ադրբեջանին. նա խուլուհամր չէ

Հայաստանի սահմանը հատած Ալիևին վերադարձրել են Ադրբեջանին. նա խուլուհամր չէ

Կարմիր Խաչի Միջազգային Կոմիտեի ներկայացուցիչներն այսօր ադրբեջանական կողմին են հանձնել նոյեմբերի 12-ի առավոտյան Տավուշի մարզի հատվածում սահմանը հատած Ադրբեջանի քաղաքացի, 40-ամյա Թելման  Ջավանշիրօղլու Ալիևին: Հանձնումը տեղի է ունեցել հայ-ադրբեջանական սահմանի Իջևան-Ղազախ հատվածում:

Հանձնումից առաջ Կարմիր Խաչի ներկայացուցիչներն այցելել են Ալիևին և ստուգել  նրա առողջական վիճակն ու այն պայմանները, որորնցում նա պահվում էր: Կազմակերպությունը նաև կապ էր ապահովում Ալիևի և նրա հարազատների միջև:

Հիշեցնենք, որ քաղաքացին մոլորվել էր և, չիմանալով ճանապարհը, անցել էր սահմանը:

Ավելի վաղ ադրբեջանական Trend գործակալությունը, հղում անելով Ադրբեջանի Ներքին գործերի նախարարության լրատվական ծառայությանը, հայտնել էր, որ Ալիևը խուլուհամր է: ՀՀ ՊՆ մամուլի քարտուղար Արծրուն Հովհաննիսյանը, սակայն, այսօր ասել է, որ ադրբեջանական կողմի պնդումն իրականությանը չի համապատասխանում:

«Դժվար է ասել, թե որն էր նման պնդման նպատակը, մեր մասնագետները հաստատել են, որ նա որոշակի խնդիրներ ունի, բայց խոսքը լիակատար խուլուհամրության մասին չէ», – ասել է խոսնակը:

Tekali Taxi