Home / Հայաստան / Հայաստանում արտադրվող դեղերի որակի բարձացումը կանդրադառնա գների վրա

Հայաստանում արտադրվող դեղերի որակի բարձացումը կանդրադառնա գների վրա

Հայաստանյան դեղարտադրող ընկերությունները 2013 թ. հունվարի 1-ից GMP (Good Manufacturing Practice/ Արտադրության պատշաճ պայմաններ) հավաստագրեր պետք է ստանան: Դեղերի արտադրությամբ զբաղվող ընկերությունները գոհ են, որ որակի բարձարցման համար քայլեր են ձեռնարկում, սակայն դա կարող է հանգեցնել նրան, որ որոշ ընկերություններ կփակվեն, եթե անցումը չլինի աստիճանական:

Արտադրության պատշաճ պայմանների անցումը ենթադրում է արտադրողների ծախսերի մեծացում, ընդ որում՝ մոտ 50%-ով, քանի որ պարտադիր է դառնում արտադրամասերի վերազինումը, կայուն ջերմաստիճանի ապահովումը, նոր սարքավորումների կիրառումը և այլ պայմաններ: Այս մասին Epress.am-ի հետ զրույցում ասել է դեղերի արդատրությամբ զբաղվող «Էսկո Ֆարմ» ընկերության  տնօրեն Աշոտ Գասպարյանը:

Արտադրողների ծախսերն ավելանալու են նաև այն պատճառով, որ հումքի ընտրությունը ևս սահմանափակվելու է, քանի որ GMP ստանդարտով աշխատող ընկերությունները պետք է որակյալ, եվրոպական հումք ներկրեն: Այս ողջ ծախսերը, ըստ Գասպարյանի, չեն կարող չհանգեցնել Հայաստանում արտադրվող դեղերի գների բարձրացման: Թե քանի տոկոս աճ կգրանցվի, Գասպարյանը դժվարացել է ասել:

Նշենք, որ Հայաստանի դեղերի շուկայի մեծ մասը ապահովվում է ներկրմամբ, իսկ արտադրությունը կազում է ողջ շուկայի մոտ 5-7%-ը:

Ըստ Գասպարյանի՝ քանի որ նոր ստանդարտը պարտադիր է արտադրողների համար, մտահոգիչ է այն, որ դեղերի արտադրողներն ու ներկրողները հայտվելու են ոչ հավասար պայմաններում, և Հայաստանում արտադրված դեղը հայաստանցիներին հասցնելը, փաստորեն, ավելի թանկ է արժենալու, քան այլ երկրից ներկրելը՝ տրանսպորտային ծախսերով հանդերձ:

Դեղերի փորձաքննության կենտոնի փոխտնօրեն Ալբերտ Սահակյանը Epress.am-ի հետ զրույցում ասել է, որ արտադրողների և ներկրողների համար միջավայրը հավասար մրցակցային կլինի, քանի որ 2013 թվականի հունվարից հետո ներկրման պայմանագրեր կնքվելու են միայն GMP ունեցող դեղարտադրող ընկերությունների հետ: Նշենք, որ դեղերը գրանցվում են 5 տարվա ժամկետով:

Tekali Taxi