Գլխավոր / Տեսանյութեր / 4-ամյա Անգելինան շտապ վիրահատության կարիք ունի

4-ամյա Անգելինան շտապ վիրահատության կարիք ունի

Անգելինա Միրզոյանը 4 տարեկան է, և նրան անհրաժեշտ է գլխուղեղի շտապ վիրահատություն Գերմանիայում։

Երեխայի ընտանիքի աջակից Նարե Գասպարյանը իր բաց նամակում գրել է.

«Անգելինան 1.5 ամսական էր, երբ առաջին անգամ հայտնվեց հիվանդանոցում։ Նորածինն անվերջ լաց էր լինում, և անհանգստացած ծնողները նրան տարան հիվանդանոց։ Բժիշկները հայտնաբերեցին, որ երեխայի ուղեղում առկա է արյունազեղում, ինչը, ամենայն հավանականությամբ, ծնունդն ընդունող բուժկոլեկտիվի սխալների արդյունքում ստացված տրավմա էր։

Մեծ դժվարությամբ բժիշկներին հաջողվեց կանգնեցնել արյունազեղումը, բայց միևնույն է Անգելինայի գլխուղեղի աջ կիսագնդում առաջացավ կիստոզ գլիոզ գոյացություն։

4 տարիների ընթացքում կիստան մեծացել է 6 մմ-ով, 2 կիսագնդերը բաժանող գիծն էլ է շեղվել է 6 մմ-ով։ Անգելինայի մոտ առկա է զուգամիտվող շլություն, որի արդյունքում նա կորցնում է տեսողությունը։ Առկա է նաև ձախակողմյան վերին վերջույթի թուլություն։

Անգելինային անհրաժեշտ է շտապ վիրահատություն, այլապես նա կկորցնի ոչ միայն տեսողությունը… Վիրահատության համար պետք է 17 000 ԱՄՆ դոլար:

Անգելինան ունի նաեւ վերականգնողական երկարատեւ բուժման կարիք` թե հիմա եւ թե վիրահատությունից հետո։

Վերականգնողական բուժումը ներառում է հատուկ մանկավարժ, հոգեբան եւ կինեզիոլոգ։Անգելինային աջակցողները միավորված են հետեւյալ ֆեյսբուքյան էջում։

http://www.facebook.com/pages/Օգնենք-Փոքրիկ-Անգելինային/163485073803669
Դուք կարող եք օգնել փոքրիկ Անգելինային` գումար փոխանցելով հետեւյալ հաշվեհամարին.

006-049472-001 (HSBC Բանկ Հայաստան դրամային հաշիվ, ստացող՝ Էդուարդ Գասպարյան):Անգելինայի ծնողների հեռախոսահամարներն են. 055 422020 – Արտակ, 096 702520 – Գոհար»: