Home / Հայաստան / Ինչու են բերման ենթարկել «Նախախորհրդարանի» համակարգողին

Ինչու են բերման ենթարկել «Նախախորհրդարանի» համակարգողին

«Նախախորհրդարան» նախաձեռնության համակարգող Գարեգին Չուգասզյանը պնդում է, որ երեկ երեկոյան իրեն ոստիկանության բաժին ապօրինի կերպով են բերման ենթարկել՝ չներկայացնելով ծանուցագիր և չտալով բացատրություն: Այս մասին նա ասել է Epress.am-ի հետ զրույցում:

Ոստիկանությունում Չուգասզյանին ասել են, որ իրեն բաժին են բերել վարչական իրավախախտման համար, քանի որ ինքը մարդկանց կոչ է արել շրջանցել ոստիկանական պատնեշը, մինչդեռ մեզ հետ զրույցում նա ասել է, որ նման կոչ չի արել:

Ոստիկանության բաժնում Չուգասզյանը ոչ մի փաստաթուղթ չի ստորագրել, նրան տեղեկացրել են, որ ինքը վարչական իրավախախտում է թույլ տվել, որից հետո բաց են թողել: Այժմ նա իր փաստաբանի հետ քննարկում է դեպքի առնչությամբ անելիք հետագա քայլերը:

Նշենք, որ երեկ երեկոյան Ազատության հրապարակում կայացած «Նախախորհրդարան»-ի հանրահավաքի ժամանակ խոսվել է Փակ շուկայի (պատկանում է ՀՀ ԱԺ պատգամավոր, օլիգարխ ՍամվելԱլեքսանյանին) շենքի ճակատագրի մասին, նշվել է, որ այնտեղ ապօրինի շինարարություն է տեղի ունենում: Գարեգին Չուգասզյանը կոչ է արել «կարճ-շտապ հավաք անցկացնել Փակ շուկայի մոտ»: Հանրահավքի մասնակիցները շարժվել են դեպի Փակ շուկա, սակայն Մաշտոցի պողոտա-Թումանյան փողոց խաչմերուկում նրանց ընթացքը կասեցրել են ոստիկանական ուժերը, գնդապետ Վալերի Օսիպյանը հայտարարել է, որ երթը անօրինական է, որից հետո Գարեգին Չուգասզյանը բերման է ենթարկվել:

Tekali Taxi