Մարտի 1-ին Կիևի Գրուշևսկու փողոցում տեղադրել են հուշաքար՝ Սերգեյ Նիգոյանի հիշատակին, հայտնում է Аspekty.net-ը։
Դնեպրոպետրովսկի շրջանի բնակիչ Սերգեյ Նիգոյանը զոհվել է հրազենային վնասվածքից հունվարի 22-ին՝ Կիևի Գրուշևսկու փողոցում։ Նիգոյանը Ուկրաինայի քաղաքացի էր, ընտանիքում՝ միակ երեխան:
Նիգոյանը, ով մասնակցում էր Կիևի կենտրոնում անցկացվող հակակառավարական ցույցերին, սպանվել է իրավապահ մարմինների արձակած հրազենային կրակոցից։
Նշենք, որ Ուկրաինայի կենտրոնում ուժայինների ու ցուցարարների միջև բախումների հետևանքով զոհվել է ավելի քան 80 մարդ։