Epress.am Լուրեր Հայաստանից
2013 թվականի նոյեմբեր-2014 թվականի հունվար եռամսյակում հայկական առցանց ԶԼՄ-ներում մարդու իրավունքների խախտումների մասին հոդվածների թիվը նախորդ եռամսյակի համեմատ զգալիորեն աճել է: Այս մասին են վկայում eTV-ի (Epress.am-ի և Հելսինկյան ասոցիացիայի համատեղ նախագիծ) համար արված «Սոցիոսկոպ» սոցոլոգիական ՀԿ-ի դիտարկման արդյունքները:
Նշված եռամսյակում դիտարկվող 9 հայաստանյան կայքերում (Epress.am, Tert.am, Lragir.am, News.am, Azatutyun.am, Hetq.am, Galatv.am, Aravot.am, Ilur.am) մարդու իրավունքների ոլորտին վերաբերող 1756 հոդված է գրվել, ինչը 752-ով գերազանցում է նախորդ եռամսյակի ցուցանիշը:
Հոդվածների քանակային բաշխումը ԶԼՄ-ում
|
|
N |
% |
|
Aravot.am |
264 |
15.0 |
|
News.am |
261 |
14.9 |
|
Galatv.am |
255 |
14.5 |
|
Tert.am |
220 |
12.5 |
|
Epress.am |
209 |
11.9 |
|
Ilur.am |
181 |
10.3 |
|
Lragir.am |
170 |
9.7 |
|
Azatutyun.am |
112 |
6.4 |
|
Hetq.am |
84 |
4.8 |
|
Ընդհանուր |
1756 |
100.0 |
Մարդու իրավունքների ոլորտին վերաբերող հոդվածների թվի աճը թերևս կապված է այն հանգամանքի հետ, որ նշված ամիսներին մի քանի դեպքում ոտնահարվել է խաղաղ հավաքների անցկացման իրավունքը և մեծ թվով քաղաքացիներ տարբեր ակցիաների ժամանակ բերման են ենթարկվել կամ ձերբակալվել։ Մասնավորպես, դեկտեմբերի 2-ին՝ ՌԴ նախագահ Վլադիմիր Պուտինի` Հայաստան կատարած այցի օրը բերման է ենթարկվել ավելի քան 100 խաղաղ ցուցարար:
Եռամսյակի հոդվածների թեմատիկ հետազոտությունը ցույց է տվել նաև, որ մեծ թիվ էին կազմում նոյեմբերի 5-ին ձերբակալված Շանթ Հարությունյանի և նրա ընկերների տեսակցության արգելքի, հացադուլի, այլ իրավունքների խախտման մասին, ազատամարտիկ Վոլոդjա Ավետիսյանի ազատման համար բողոքի ակցիաների մասին հոդվածները:
Նշված եռամսյակում մեծ թիվ են կազմել հոդվածները, որտեղ որպես իրավախախտ կողմ նշվել են ՀՀ ոստիկանության ներկայացուցիչները (578 հոդվածում, որը կազմում է ընդհանուր թվի 32.9%): Նախորդ եռամսյակի համեմատ քիչ են հոդվածները, որտեղ իրավախախտ կողմը նշված չէ (14.9%): Պետությունը որպես իրավախախտ կողմ է ներկայացվել կուտակային կենսաթոշակային ակցիաներին վերաբերող հոդվածներում:
Ով է հոդվածներում ներկայացված որպես իրավախախտ կողմ
|
|
N |
% |
|
Ոստիկանություն |
578 |
32.9 |
|
Ոչ մի իրավախախտ հերոս |
266 |
14.9 |
|
Դատավորներ, դատարաններ |
255 |
14.5 |
|
ՀՀ Իշխանություններ, պաշտոնական Երևան |
122 |
6.9 |
|
Վարչապետ, կառավարություն, ոչ ուժային նախարարներ |
95 |
5.4 |
|
ՀՀ շարքային քաղաքացիներ |
75 |
4.3 |
|
ՀՀԿ |
41 |
2.3 |
|
ՀՀ Բիզնես ներկայացուցիչներ |
70 |
4.0 |
|
Արդարադատության նախարարություն, բանտերի ադմինիստրացիա (քրեակատարողական հիմնարկներ) |
65 |
3.7 |
|
ՀՀՊՆ, բանակի սպայական անձնակազմ, զինդատախազ |
31 |
1.8 |
|
Պաշտոնյաներ, օլիգարխ-պաշտոնյաներ |
18 |
1.0 |
|
Այլ |
140 |
|
|
Ընդհանուր |
1756 |
100.0 |
Ինչևէ, անփոփոխ է մնացել հոդվածների աշխարհագրության մտահոգությունը՝ իրավախախտումների մասին հոդվածների մեծ մասը վերաբերում են մայրաքաղաքում գրանցվող դեպքերին (74.4%):Եթե նախորդ եռամսյակում լրագրողների իրավունքների ոտնահարման վերաբերյալ ընդամենը 19 հոդված է եղել, այս եռամսյակում այդ թիվը հասնում է 88-ի: Սա պայմանավորված է այն հանգամանքով, որ ուսումնասիրված բոլոր ԶԼՄ-ներն անդրադարձել են Տնտեսագիտական համալսարանում ՀՀԿ-ականների կողմից լրագրողների աշխատանքի խոչընդոտման փաստին Երևանի քաղաքապետ Տարոն Մարգարյանի ատենախոսության պաշտպանության ժամանակ:
Զեկույցն ամբողջությամբ՝ այստեղ։