Ադրբեջանցի զինվորը կրակել է երկու ծառայակիցների վրա, այնուհետև՝ ինքնասպան եղել

Հունիսի 20-ին, ժամը 06։45-ին ադրբեջանական բանակի զորամասերից մեկում գրանցված միջադեպի հետևանքով երկու զինվոր է մահացել, մեկը՝ ծանր վնասվածք ստացել։

Ինչպես հայտնում է Ադրբեջանի ՊՆ մամուլի ծառայությունը, շարքային Բեհրուզ Ագաքիշիևը կրակ է բացել ինքնաձիգից՝ մահացու վիրավորելով ծառայակից Նեյման Աբդուլլաևին և ծանր վնասվածք հասցնելով Քյամրան Ահմեդովին։ Զինծառայողն այնուհետև ինքնասպան է եղել։

Վիրավոր զինվորը տեղափոխվել է հիվանդանոց։ Զինվորական դատախազությունը դեպքի առիթով քրգործ է հարուցել։