Epress.am Լուրեր Հայաստանից
«Արտ լաբորատորիա» արվեստագետների խումբը երեկ Գյումրիում նոր գրաֆիտի է ներկայացրել ռուսաստանյան արտադրության տանկի տեսքով։ Տանկի կողքին պատկերված ռուսալեզու տեքստում նշված է, որ վերջին 4 տարվա ընթացքում Ադրբեջանը իր կողմից գնված զենքի 80 տոկոսը ներմուծել է Ռուսաստանից։ Բացի դա, նշված է այն զենքի տեսակները, որոնք Հայաստանի ռազմավարական գործընկեր Ռուսաստանը վաճառել է Ադրբեջանին։ Նշենք, որ Գյումրիում է տեղակայված ռուսաստանյան ռազմաբազան։
Epress.am-ի հետ զրույցում «Արտ լաբորատորիայի» արվեստագետ Էդգար Ամրոյանը նշել է, որ Ռուսաստանը մի կողմից վաճառում է այնքան մեծ քանակությամբ զենք, որով հնարավոր է 10 Հայաստան ոչնչացնել, մյուս կողմից՝ հայտարարում է, որ խաղաղության երաշխիք է։
«Այսինքն, ինքը ստաբիլ աղքատության կողմնակիցն է», – ասել է Ամրոյանը։
Մանրամասները՝ տեսանյութում