Թուրքիայի նորընտիր նախագահն իր առաջին այցը կկատարի Ադրբեջան

Թուրքիայի նորընտիր նախագահ Ռեջեփ Թայիփ Էրդողանը նախագահի պաշտոնում իր առաջին այցը կկատարի Ադրբեջան։ Ենթադրվում է, որ նրա համար առաջնային կլինի նաև Հյուսիսային Կիպրոս այցելությունը։ Այս մասին այսօր՝ օգոստոսի 15-ին, հաղորդել է թուրքական Kanal A հեռուստաալիքը։

Թուրքիայի գործող վարչապետ, իշխող «Արդարություն և զարգացում» կուսակցության առաջնորդ Ռեջեփ Թայիփ Էրդողանը հաղթել է օգոստոսի 10-ին կայացած առաջին համաժողովրդական նախագահական ընտրություններում՝ հավաքելով ձայների 51,8 տոկոսն ու հաղթանակ գրանցելով ընտրությունների առաջին փուլում։ Նորընտիր նախագահի երդմնակալությունը տեղի կունենա օգոստոսի 28-ից հետո, երբ ավարտվեն գործող նախագահ Աբդուլլահ Գյուլի նախագահական լիազորությունները։