Epress.am Լուրեր Հայաստանից
Հունվարի 12-ին Գյումրիում տեղի ունեցած սպանդից հետո հիվանդանոց տեղափոխված վեց ամսական Սերյոժա Ավետիսյանի առողջական վիճակը վատացել է, հայտնում է Առողջապահության նախարարության պաշտոնական կայքը։
«Խորացել է երիկամային և սրտանթային անբավարարությունը: Որոշվել է կատարել պերիտանալ դիալիզ: Հայաստան ժամանած ռուս մասնագետների խումբը տեղի գործընկերների հետ շարունակում են ցուցաբերել անհրաժեշտ բժշկական օգնություն: Երեխան գտնվում է բժիշկների հսկողության ներքո: Մասնագետները ջանք չեն խնայում երեխայի առողջական վիճակը կայունացնելու համար», ֊ ասված է նախարարության հաղորդագրության մեջ:
Ավետիսյանների տան վրա հարձակման հետևանքով սպանվել են փոքրիկի ընտանիքի 6 անդամները։ Սպանության մեջ կասկածվում է ռուսական 102-րդ ռազմաբազայի զինծառայող Վալերի Պերմյակովը։