Home / Հայաստան / Առևանգված Արտակ Խաչատրյանին ձեռնաշղթաներ են հագցրել ու ծեծել. նա հիվանդանոցում է․ ilur.am

Առևանգված Արտակ Խաչատրյանին ձեռնաշղթաներ են հագցրել ու ծեծել. նա հիվանդանոցում է․ ilur.am

20.30 «Կասեցում» քաղաքացիական նախաձեռնության՝ այսօր առավոտյան առևանգված ակտիվիստ Արտակ Խաչատրյանին ծեծված վիճակում հայտնաբերել են Նոր Նորքի 8-րդ զանգվածում:

iLur.am-ը հայտնում է, որ Խաչատրյանը լուրջ վնասվածքներ ունի, նույնիսկ դժվարանում է խոսել: Նրան տեղափոխել են «Մալաթիա» բ/կ:

Արտակ Խաչատրյանը պատմել է, որ իրեն ծեծից հետո թողել են Նոր Նորքի 8-րդ զանգվածում, իսկ ծեծելու ժամանակ ձեռնաշղթաներ են հագցրել։ Առևանգողները եղել են դիմակներով։ 

16.24 Այսօր Երևանի Տոլստոյի փողոցից դիմակավորված անձինք անհայտ ուղղությամբ տարել են «Շրջանառության հարկի մասին» օրենքի դեմ ակտիվ պայքարող Արտակ Խաչատրյանին:

Ակտիվիստի եղբայրը՝ Արտյոմ Խաչատրյանը, iLur.am կայքին տեղեկացրել է, որ Արտակին առևանգել են ավտոմատներով զինված դիմակավորված 3 մարդ: Ընդ որում, ոչ մեքենայի, ոչ առևանգողների վրա որևէ տարբերանշան չի եղել: Արտակ Խաչատրյանի մասին այս ընթացքում որևէ տեղեկություն չկա:

«Կենտրոնի քաղմասից հետաքննական խումբ է եկել, քրեականի պետի գլխավորությամբ, հիմա հետաքննում են», – ասաց Արտյոմ Խաչատրյանը: Նրա խոսքով՝ ամենայն հավանականությամբ, եղբոր առևանգումը կապ ունի նրա հասարակական ակտիվ գործունեության հետ:

«Ես երեկ երեկոյան եմ իր հետ խոսացել, ոչ մի անհանգստություն, կասկածելի խոսակցություն չի եղել, ոչ զանգել են, ոչ սպառնացել են: Արտակը քրեական աշխարհի հետ կապ չունի, բացի էդ էլ, նրան առևանգել են օրը ցերեկով՝ Կենտրոնի փողոցից: Ենթադրում եմ, որ հատուկ ծառայությունների ձեռագիրն է», – ասաց Խաչատրյանը:

Լուսանկարը՝ «ՖՈՏՈԼՈՒՐ»

Tekali Taxi