Home / Հայաստան / Խայտառակ ընտրություններից հետո ԱԺ֊ում առաջարկում են պարտադիր հրապարակել ընտրողների ցուցակները

Խայտառակ ընտրություններից հետո ԱԺ֊ում առաջարկում են պարտադիր հրապարակել ընտրողների ցուցակները

Հանրաքվեի մասին օրենքում փոփոխություններ մտցնելու ՀՅԴ֊ի ներկայացրած նախագծի քննարկման ժամանակ ՕԵԿ անդամ Հեղինե Բիշարյանն առաջարկել է օրենքով լուծել նաև ընտրական ցուցակների հրապարակման հարցը։

Նրա խոսքով՝ ընդամենը երկու օր առաջ՝ Արտաշատում, Ալավերդիում և Աբովյանում կայացած քաղաքապետի ընտրությունների արդյունքները ցույց են տվել, որ կրկին գրանցվել է արտասահմանում գտնվողների, մահացածների և անչափահասների կողմից քվերակություն։

«Արտաշատում ընտարացուցակներում 21000 մարդ է գրանցված, մինչդեռ բնակչությունը 21300 է, այսինքն՝ ի՞նչ է ստացվում, Արտաշատում ընդհանրապես չունենք անչափահաս, բոլորը մասնակցո՞ւմ են ընտրություններին։ Ալավերդիում էլ ավելի մեծ խայտառակություն է եղել։ Ցուցակներում գրանցված մարդկանցից 3000 ավել մարդ է մասնակցել ընտրությանը։ 13700֊ի փոխարեն քվերակել է 16474 մարդ»,֊ ասել է Հեղինե Բիշարյանը։

Բիշարյանն ասել է, որ այս փաստերը կրկին անգամ ապացուցում են, որ, փոխոխելով օրենքը, պետք է նաև քվեարկությունից հետո ցուցակների հրապարակումը պարտադիր դարձնել, մասնավորապես, սահմանադրական փոփոխությունների հանրաքվեի ժամանակ։

Հիշեցնենք, որ ՀՅԴ֊ն առաջարկում է փոփոխել Հանրաքվեի մասին օրենքը՝ համապատասխանեցնելով այն ընտրական օրենսգրքին: Նախագիծը, մասնավորապես, առաջարկում է գաղտնիություն ապահովելու համար հանրաքվեները ևս անցկացնել քվեածրարներով, ինչպես արվում է ընտրությունների ժամանակ: Օրինագծի հեղինակներն առաջարկում են նաև 10 անգամ մեծացնել հանրաքվեների անցկացման ֆինանսավորումը, քանի որ, ի տարբերություն ընտրությունների, հանրաքվեների ժամանակ չկան կուսակությունների վստահված անձիք։ Առաջարկներից մեկն էլ՝ ավելի շատ դիտորդներ ներգրավել հանրաքվեների անցկացման ընթացքում:

Tekali Taxi