Home / Հայաստան / Հիմնավորվեց, որ հարձակվել են Սյունիքի մարզպետի կողմնակիցները. Հայկ Ալումյան

Հիմնավորվեց, որ հարձակվել են Սյունիքի մարզպետի կողմնակիցները. Հայկ Ալումյան

Սյունիքի մարզպետ Սուրիկ Խաչատրյանի առանձնատան մոտ զինված միջադեպի գործով դատաքննությամբ հիմնավորվել է, որ հարձակումը եղել է մարզպետի կողմնակիցների կողմից: Այս մասին «Փաստինֆո»-ին հայտնել է գործով միակ ամբաստանյալ Արտակ Բուդաղյանի պաշտպան, փաստաբան Հայկ Ալումյանը՝ հավելելով, որ մեղադրանքի կողմը փորձում է ծանրացնել իր պաշտպանյալի գործողությունները, որպեսզի արդարացնի հակառակ կողմից զենքի կիրառումը:

Հայկ Ալումյանը նշել է, որ Սուրիկ Խաչատրյանի վարորդի ու երկու ազգականների հեռախոսահամարները լսելու ու ձայնագրառելու մասին դատարանի որոշումը չկատարելու պատճառների մասին ԱԱԾ-ին ուղղված հարցման պատասխանը որևէ հստակություն չի պարունակում: Դրանում ասվում է, որ որոշումը չի կատարվել տեխնիկական պատճառներով, սակայն ի՞նչ տեխնիկական պատճառներ են, որոնք խոչընդոտել են որոշման կատարմանը, չի նշվում:

Գործով վերջին՝ հունիսի 10-ի, դատական նիստում հայտարարվել է դատաքննության ավարտի և դատական վիճաբանությունների փուլին անցնելու մասին: Մեղադրողը ժամանակ է խնդրել մեղադրական ճառին նախապատրաստվելու համար:  

Tekali Taxi